កាមេរ៉ាដែលក្រុមហ៊ុនបានប្រកាសនេះគឺ Canon ME20F-SH ដែលមានសមត្ថភាពអស្ចារ្យអាចផ្ដិតយករូបភាពនិងវីដេអូនៅទីងងឹតបាន យ៉ាងល្អ សូម្បីតែភ្នែករបស់យើងមិនអាចមើលឃើញនោះ។
ក្រុមហ៊ុនកាមេរ៉ាដ៏ធំនេះបានអះអាងថា កាមេរ៉ានេះអាចប្រើប្រាស់បានក្នុងការថតភាពយន្តខ្នាតធំ ថតកម្មវិធីទូរទស្សន៍ និងភាពយន្តឯកសារបានយ៉ាងស្រួល។ ប៉ុន្តែកាមេរ៉ាតម្លៃ៣ម៉ឺនដុល្លារនេះអាចថតយកវីដេអូបានក្នុង កម្រិតត្រឹមតែ 1080p ប៉ុណ្ណោះ។ អ្វីដែលធ្វើឲ្យវាពិសេសបែបនេះ គឺវាមាននូវ Sensor CMOS ប្រភេទ 35mm ដែលអាចថតវីដេអូជាប្រភេទ HD បានយ៉ាងច្បាស់ល្អបំផុត។ ចំណុចមួយទៀតដែលធ្វើឲ្យកាមេរ៉ានេះលេចធ្លោនោះគឺវាមានទម្ងន់ ត្រឹមតែ១,១គីឡូក្រាមតែប៉ុណ្ណោះ។
ទន្ទឹមនឹងនេះកាមេរ៉ានេះក៏មាននូវចំណុចអវិជ្ជមានមួយផងដែរ គឺវាមិនមានមកជាមួយនូវអេក្រង់ដែលអាចឲ្យយើងធ្វើការ Setting និងមើលរូបភាពបាន នៅពេលយើងបានថតភ្លាមៗនោះទេ។ ប៉ុន្តែវាមានរន្ធសម្រាប់តភ្ជាប់អេក្រង់បន្ថែមពីលើបាន។
កាមេរ៉ា Canon ME20F-SH នេះនឹងមានដាក់លក់នៅក្នុងខែធ្នូ ខាងមុខនេះជាមួយតម្លៃ៣ម៉ឺនដុល្លារ៕
No comments:
Post a Comment